Dashuria nuk ka moshë, por edhe diferenca”,- thotë një shprehje. Një ndjenjë aq e bukur duhet të ndihesh me fat që po e përjeton. Sot shohim shumë vajza të reja që lidhen me meshkuj shumë më të mëdhenj por edhe gra që lidhen me meshkuj më të vegjël se ato në moshë.
Shumëkush mendon se në raste të tilla kur në mes është dashuria nuk kanë vend për diskutim. Aulona Musta dhe Fatma Haxhialiu këtë të shtunë kanë patur të ftuar në “Thumb” këngëtaren Eli Fara. Ato e kanë pyetur nëse ajo e ka menduar ose ka qenë ndonjëherë e lidhur me meshkuj më të vegjël se ajo në moshë.
Përgjigja e Elit ka qenë e menjëhershme dhe e paluhatshme.
“Meshkuj pak më të vegjël?
Si ide nuk më pëlqen. Mund të ndodhte ose mund të ndodhi pa e ditur por në preferencën time, as për gjëra të vogla nuk jam dakort. Partneri duhet të jetë më i madh.”,- është shprehur ajo duke pranuar se as nëse do të kishte diferencë shumë të vogël mes tyre ajo nuk do të lidhej.
