Katy Perry theksoi se shpesh njerëzit e ngatërrojnë me veten. 38-vjeçarja, e cila ndan Daisy Dove me të fejuarin e saj Orlando Bloom, shpjegoi se nënat e tjera thonë se ajo ‘duket tamam si Katy Perry’. Duke folur për The Cut, ajo zbuloi se shpesh njerëzit se kuptojnë se në fakt është vetë ylli i famshëm.
“Sot në mëngjes, isha me të në një klasë baleti dhe një grua thotë: “O zot, ti dukesh shumë si Katy Perry””, tha këngëtarja. “Njerëzit më njohin mua, por në kohën kur ata thonë: “A është kjo …? Ishte ajo …?” Unë jam larguar tashmë.”, u shpreh më tej ylli me famë botërore gjatë intervistës për The Cut.
Kujtojmë që këngëtarja është krahasuar shpesh me aktoren Zooey Deschanel. Në fakt, Zooey mori pjesë në videoklipin e Katy-t për këngën e saj “Not The End Of The World”, ndërsa ajo rrëmbehet nga alienët për shkak se e ngatërrojnë atë me krijuesen e shumë hiteve.
