Reperi i njohur Mc Kresha prej vitesh ka sjell një sërë këngësh që janë kthyer në hite dhe që dëgjohen nga të gjithë. Ai është bërë shumë i njohur dhe çdo koncert i tij është i tejmbushur me fansa.
I ftuar së fundmi në Prive në rubrikën “25 pyetje me…”, ai ka zbuluar shumë të pathëna për jetën e tij dhe karrierën. Mc Kresha është pyetur për momentin më të sikletshme në karrierën e tij dhe ai ka përmendur një rast me një fans në një koncert.
“Moment i sikletshëm është kur një fans ka ardhur të më përqafojë ndërsa sigurimi ka dashur ta largojë më forcë. Pastaj më është dashur të ndërhyj e t’iu them se çdo gjë është në rregull”, ka thënë Kresha.
