Rezart Veleshnja është një ndër aktorët më të mirë të humorit në vendin tonë dhe me rolet e tij të ndryshme ka bërë për vete publikun. Ai është shumë aktiv në rrjetet sociale ku shpesh herë publikon foto e video të ndryshme për ndjekësit dhe së fundmi na kanë habitur disa postime të tij.
Ai ka postuar një seri videosh ku “sulmon” gazetaren e njohur Desada Metaj, e cila sipas tij fshihet pas faqes së famshme Lolita. Aktori i drejtohet Metajt duke i thënë se nuk duhet të merret me artistin, por me politikanët sepse ata vjedhin.
‘Desada kam 95 mijë ndjekësa dhe nga këto 95 mijë ndjekësa, 25 mijë mesazhe i kam pasur vetëm për ty. Dëgjo tani, ta mbash vath në vesh këtë, mos u merr kurrë me artistin. Artisti vetëm kënaqësi të jep. Çfarëdo lloj gjë të bëjë artisti, ai vetëm kënaqësi të jep. Shaj dhe përdhos figurat e politikanëve, ata që vjedhin popullin , artisti nuk vjedh, jo vetëm kënaqësi. Kështu mos bëni lek më këto lolitrat e çfarë ke ti, duke përdhosur figurën e tjetrit, mbi të gjitha kur nuk janë të vërteta.”, tha Rezarti.