Nano “se ndan mendjen” për Bejlerin: I kërkoj falje nëse më ka dalë nga goja ndonjë gjë që nuk duhet

Pas kritikave për veshjen ku në emisionin “Provokacija” përmendi emrin e moderatores Ilda Bejleri, analisti Mustafa Nano i ka kërkuar publikisht falje kësaj të fundit.

Gjatë emisionit “Zonë e Lirë”, Nano sqaroi se nuk ka asgjë personalisht me moderatoren, por me fenomenin e veshjes.

“Unë nuk e prisja të përmendje emrin e Ilda Bejlerit. Unë nuk kam punë me të, s’më lidh asgjë me të dhe as nuk dua ta njoh. Unë i kërkoj falje nëse më ka dalë nga goja ndonjë gjë që nuk duhet”, tha Nano.