Ndonëse disa e kanë filluar zyrtarisht sezonin e plazhit dhe të pushimeve, ka të të tjerë (si ne) që janë mbyllur në zyrën e punës dhe ëndërrojnë sikur të ishin tani pranë detit duke dëgjuar zhurmat e dallgëve.
Nëse ju jeni tek kategoria e dytë, kjo do të thotë që ende si keni blerë bikinit që do vishni kur të merrni pushimet dhe të shkoni në plazh.
Nëse po shfletoni nëpër revista (ndonëse kjo është pak tradicionale dhe old fashioned), ose po bëni scroll në Instagram apo në Pinterest për të parë dhe për t’u frymëzuar se çfarë rroba-banjo të blini, ne ua kemi kërsyer këtë punë.
Duke bërë një udhëtim në Instagramin e vajzave tona VIP shqiptare kemi grumbulluar disa bikini që do të ishin ideale për t’i bërë tuajat. Ato në këtë mënyrë na kanë treguar edhe tendencat më të fundit për sa i përket rroba-banjove për këtë verë.
