Nëse tregoheni të zgjuar, mund ta kurseni një pjesë të mirë të të ardhurave dhe sërish të jeni vajza/djali më stil në qytet! Duhet vetëm të dini çfarë të zgjidhni kur dilni për të blerë. Ku ja vlen të investoni dhe ku jo. Janë disa elemente veshjesh që mund t’i blini tek rrobat e përdorura dhe sërish do të dukeni të veshur shtrenjtë!
Edhe pse çmimi fillestar i tyre mund të ketë qenë i papërballueshëm fillimisht, në vendet ku tregtohen rroba vintage të përdorura mund të dilni me krahët dhe kuletën plot! Çfarë ja vlen të blini aty?
1. Xhinset
Të jeni të sigurt se xhinset që do të blini në tregun e të përdorurave do të kthehen automatikisht në të preferuarat tuaja. Prerja e xhinseve vintage është fantastike dhe mbi të gjitha rrinë perfekt në trup.
2. Çizmet e lëkurës
Kjo lloj çizmeje nuk del kurrë nga moda dhe nëse në dyqanet e markave të modës së lartë i gjeni shumë shtrenjtë, hidhini sytë nga tregu i të përdorurave. Do të gjeni lëkurë origjinale, të mirëstrukturuara dhe me një çmim fare të përballueshëm.
3. Xhaketat
Nuk është nevoja t’jua themi sesa xhaketa fantastike mund të gjeni në tregun e gjërave të përdorura. Oversize, të ngushta, me kuadrata apo minimaliste. Ka plot mundësi zgjedhjesh!
4. Pulovrat e trasha
Vintage, të ngrohta dhe me dizajne që janë ende në modë!
5. Këmisha
Kush kërkon, gjen! Duhet thjesht t’i vendosni vetes synimin që do të blini se s’bën një këmishë mëndafshi që derdhet mrekullisht bukur në trup.
6. Pallto kadife
Janë në modë prej një jete, por sërish kushtojnë shumë nëse i blini të reja. Tregohuni të zgjuar dhe nisni kërkimet.
Burimi: Who What Wear
