Yjet më të mëdhenj të Hollivudit mbërritën dje në Festivalin vjetor të Filmit në Kanë që po mbahet në rivierën franceze. Edicioni i 71-të i festivalit të filmit që nisi më 8 maj do të mbahet deri më 19 maj 2018.
Irina Shayk, Julianne Moore, Cate Blanchet, Penelope Cruz etj, ishin ndër të famshmet e para që shkelën tapetin e kuq në premierën e filamve që u transmetuan të mërkurën.
Supermodelja ruse e cila ka kohë që është bërë nënë për herë të parë, shkëlqeu me fustanin e zi elegant, një zgjedhje kjo e ngjashme me aktoren Moore, fituese e çmimit “Oscar”.
Vëmendje të madhe tërhoqi dhe aktorja franceze Marion Cotillard, e cila kishte veshur një “jumpsuit” me print në ngjyrë kuqezi.
E veçantë ishte edhe zgjedhja e aktores së famshme, Cate Blanchett, e cila kishte veshur një kostum të zi, model i ngjashëm me pizhamet.
48-vjeçarja dukej mjaft tërheqëse me dekoltenë e hapur dhe pa reçipeta.
Çifti më simpatik i festivalit ishte Penelope Cruz dhe Javier Bardem, që spikatën me elegancën e tyre. Ata mbërritën pë premierën e filmit dramë “Everybody Knows”, ku luajnë të dy.
JA DISA NGA VESHJET:
