Prej dy vitesh tanimë Big Basta dhe Vesa Luma jetojnë në Zelandën e Re dhe vetëm pak kohë më parë Vesa u kthye për disa muaj në Kosovë ku kishte për të përfunduar disa projekte. Më pas këngëtarja është rikthyer në Zelandën e Re ku e prisnin burri dhe djali i tyre.
Së fundmi ajo ka postuar në Instagram disa fotografi të bëra gjatë një shëtitje në natyrë ku ndodhen të tre si familje.
Familja duket se është përshtatur mjaft mirë me jetën e re dhe janë shumë të lumtur. Ata kanë vizituar Parkun Hamilton nga ku Vesa ka publikuar foto që e tregojnë më së miri sa shumë po kënaqen.
“Një vend i mrekullueshëm”, shkruan Vesa për Parkun Hamilton. “Familje, relaks dhe qejf”, shkruan këngëtarja në një postim tjetër ku ka treguar bukuritë e Parkut dhe disa foto të Lianit e Bigut.
