Duhet ta pranojmë se momentet më të bukura që personazhet ndajnë me të gjithë ne janë ato që të njohurit kalojnë me familjarët e tyre, sidomos me fëmijët.
Ardit Gjebrea dhe Erion Isai kanë ëmbëlsuar gjithë Instagramin mbrëmjen e djeshme duke postuar momente me vajzat e tyre.
Kantautori Gjebrea na ka prezantuar me pjestaren më të re të familjes, Emma-n, kukullën e Anës së vogël e cila ka emrin e saj dhe sigurisht mbiemrin e familjes.
Ndërkohë Ajri, vogëlushja e Isait, ka vendosur që në darkë të bëjë maska fytyre me krem për të dhe babin.
Ajo çka kuptojmë nga këto postime është që mbrëmjet dedikuar fëmijëve janë më të bukurat si për ne ashtu edhe për personazhet e njohur. Shpërndani pozitivitet në rrjete sociale sepse kështu përfshini edhe ndjekësit tuaj të ndjejnë të njëjtën energji. Dhe a ka më pozitivë se fëmijët?
