Përveç zërit të bukur, ajo ka spikatur që në fillim edhe për stilin e saj të veçantë. Është fjala për Jonida Maliqin, e cila është një ndër këngëtaret më të preferuara për publikun shqiptar.
Edhe pse ka kohë që nuk ka publikuar ndonjë projekt të ri muzikor, Jonida është e angazhuar me gjëra të tjera që kanë lidhje me botën e spektaklit. Gjithashtu ajo është edhe mjaft aktive në rrjetet sociale, ku ndan me ndjekësit foto e video të ndryshme nga përditshmëria e saj.
Këngëtarja e njohur nuk ngurron madje që të postojë edhe foto me familjen e saj, me të cilën është shumë e lidhur. Mamaja e saj është ajo që ka fituar zemrat e fansave të Jonidës, pasi kjo e fundit poston video gazmore të saj.
Por mëngjesin e ditës së sotme, këngëtarja ka vendosur që të ndajë me ndjekësit disa momente me djalin e saj. Në profilin e “Instagram”-it, ajo ka postuar një foto ku shfaqet e përqafuar me Danin.
“Asnjë fjalë nuk mban dot peshën e dashurisë që kam për ty”, shkruan Jonida bashkëngjitur me foton që u pëlqye shumë nga ndjekësit e saj.
