Emma, Geri, Mel B dhe Mel C, i dhanë mbrëmë nisje turit të shumëpritur të rikthimit të Spice Girls!
Mirëpo, koncerti i parë në Dublin, vetëm fillimin e pati të lumtur. Fansa shprehën në Twitter zhgënjimin ndaj koncertit për shkak se nuk dëgjoheshin zërat e vajzave të grupit.
Sipas disave, shumë njerëz u panë duke u larguar nga teatri, ndërsa kishte edhe shumë ankesa edhe për vlerën e biletës, që kushtonte nga 66 paundë deri në 146 paundë.
“Fonia është aq e keqe…ç’zhgënjim”, shkruan njëri.
“Do ishte fantastike sikur dikush t’i thoshte fonisë së Spice Girls se nuk po i dëgjojmë dot”
E megjithatë, vajzat e grupit- pa Victoria Beckham-in- shkaktuan shumë ovacione, duke u rikthyer pas shumë vitesh bashkë në skenë.
Në nder të fansave, Geri dhe Mel B kishin risjellë dy nga veshjet e tyre më ikonike.
