Reperja me famë botërore, Nicki Minaj, mund të jetë duke pritur një fëmijë me bashkëshortin, Kenneth Petty.
Shkak për këto lajme është bërë një video e publikuar nga vetë Nicki në llogarinë e saj në Instagram.
Ajo kishte filmuar partnerin i cili kishte vendosur dorën mbi barkun e saj dhe e përkëdhelte, duke i bërë të gjithë të dyshojnë se çifti po pret një bebush.
Fansat kanë vërshuar në komente duke e pyetur për shtatzëninë, mirëpo Nicki ka vendosur të na lërë ende kuriozë.
I vetmi detaj që 37-vjeçarja ka treguar është se dyshja po fluturonte drejt Trinidad, ndërsa më pas lajmëroi fansat në këtë vend se kishin mbërritur.
Më herët, Minaj ka treguar gjatë intervistave dëshirën e saj të madhe për t’u bërë nënë, ndërsa ne po presim me padurim për lajme nga reperja!
