“Shumë e bukur, por edhe pak e vështirë. Sfidë me veten…”. Kështu e ka cilësuar Sarah Berisha eksperiencën e saj brenda shtëpisë së “Big Brother VIP”, teksa bënte një bashkëbisedim me ndjekësit e saj në “Instagram”.
Blogerja e njohur u ka dhënë të drejtën fansave të saj që t’i bënin pyetje, e duket se shumica prej tyre donin të dinin diçka më shumë rreth rrugëtimit të saj në shtëpinë më të famshme në Shqipëri.
“E mendoje brenda BBV që ty dhe PM ju donin kaq shumë dhe jeni çifti vitit”, i shkruan një ndjekës, të cilit Sarah i përgjigjet: “Të them të drejtën jo. Shumë gjëra i kam kuptuar kur kam dalë jashtë”.
Ndërsa një tjetër është kurioz që të dijë “ku është PM” dhe kërkon një foto të tyre bashkë. Blogerja nuk ka postur imazh të tyre së bashku, por ka zbuluar se po shohin “Netflix”.
“Bashkë jemi. Po hamë pizza dhe do shohim një film”, ka thënë ish-banorja e “Big Brother VIP”, e cila herë pas here ka postur foto ose video me partnerin e saj.
Më pas dikush e ka pyetur se sa ka ndryshuar jeta e saj pas BB VIP dhe Sarah është përgjigjur: “Le të themi se ka ndryshuar goxha”.
