Një skandal i vërtetë ka shpërthyer në Britaninë e Madhe, ku mijëra vajza të reja detyrohen të ofrojnë shërbime seksuale në këmbim të një çatie mbi kokë.
Investigimi i realizuar nga BBC tregon se fenomeni ka marrë përmasa të mëdha për shkak të gjendjes së keqe ekonomike të rinisë, kryesisht studenteve femra.
Ellie, një 24-vjeçare që kërkon një shtëpi me qira, pranon të vendosë kamerën e fshehtë si pjesë e investigimit.
“Nuk po bëj ndonjë gjë të gabuar…s’është thjeshtë për seks, është më tepër për shoqëri”, i thotë pronari i një banese 24-vjeçares.
Ndërsa një tjetër tregohet më i drejtpërdrejtë: “Mund të flesh pa para te ajo kabina e drurit, por duhet ta lemë 1 herë në javë, të takohemi për marrëdhënie seksuale”.
Sipas statistikave, në vetëm 5 vitet e fundit në Britaninë e Madhe, të paktën 250 mijë femrave iu është kërkuar favor seksual në këmbim të qirasë të paguar.
