Nëse mbrëmjen e së hënës jeni ndalur para ekranit të “ABC News” për të ndjekur emisionin sportiv “Pressing”, me siguri diçka tjetër ju ka rënë në sy më shumë sesa rezultatet e ndeshjeve të futbollit.
Bëhet fjalë për bukuroshen Joana Grabolli, e cila është padyshim “lezeti i emisionit”! Për ju që mendoni se diku e keni parë më parë brunen me format bombastike, kujtesa nuk ju ka gënjyer.
Joana Grabolli, përveçse është një nga vajzat shqiptare më të ndjekura në Instagram, në vitin 2017 është shpallur Miss World Albania, duke u kurorëzuar si shqiptarja më e bukur në botë.
Dhe ky çmim mesa duket ka qenë një trampolinë mjaft e mirë për Joanën, e cila tashmë është bërë pjesë e botës së televizionit si gazetare sportive dhe duhet thënë që e ka trazuar jo pak këtë fushë.
