Këngëtarja shqiptare ka treguar se si gabimisht ka pasur një problem me policinë në Amerikë. Bleona tregoi se u habit kur pa në derë tre policë, që nuk largoheshin pa kontrolluar të gjithë dhomën.
Bleona Qereti është një nga këngëtaret më të përfolura në showbizin shqiptar, pavarsisht se prej kohësh ajo e ka ndërtuar jetën e saj në Amerikë. Këngëtarja herë pas here tregon ndonjë histori shumë interesante, ku nuk mungojnë as të qeshurat.
E ftuar në “Xing me Ermalin”, Qereti tregoi se si gabimisht ishte përballur me policinë në Amerikë.
“Kisha 25-vjetorin dhe u nisa me mamin për të festuar në Amerikë dhe konkretisht në Miami, Florida. Dhe në momentin që u futëm në hotel, donim të lajmëronim babin që kemi arritur. I rashë recepsionit dhe i kërkova të më ndihmonte se si të lidhesha me Shqipërinë. Pasi më sqaroi që duhet të shtypja 011, që të dilja në linjën internacionale dhe më pas prefiksin shqiptar unë e mbylla me recepsionin dhe shtypa 911 në vend të 011. Dhe marrë një përgjigje të tillë “911 cila është emergjenca juaj”. Unë e mbylla dhe nuk i sqarova asgjë,”- tha Bleona.
Më tej këngëtarja vijoi: “Pasi u sqarova me babin që ishim mirë, për 15 minuta ra dera. Hapa derën dhe shof tre policë që më thonë:Kemi marrë një telefonatë emergjence!
Pavarësisht se unë u shpjegova që nuk kisha asnjë lloj emergjence, ata nuk largoheshin pa e kontrolluar gjithë dhomën, pasi mendonin se dikush po më kërcënonte. Në fund e kuptuan që ishte thjesht një ngatërresë e dy personave që nuk kishin lidhje me Amerikën,”- përfundoi duke qeshur Bleona.
