Liam Payne u përball me kritika të forta pasi udhëtoi drejt Dubait ditën e premte për ditëlindjen e djalit të tij. Për shkak të angazhimeve të shumta në punë kjo ishte hera e dytë që këngëtari nuk i gjendej pranë vogëlushit.
Megjithatë kjo nuk do të thotë se ai nuk do të festojë për ditëlindjen e djalit. Së fundmi në një emision radiofonik në Dubai pas performancës së tij në një koncert,
Liam ka treguar se ka planifikuar një festë të madhe për vogëlushin, Bear, bashkë me ish-partneren e tij.
Gjithashtu ai tha se përpara se të nisej drejt Dubait kishte kaluar shumë kohë me të birin, për të justifikuar mungesën e tij në ditën e ditëlindjes.
Përveç kësaj është e rëndësishme që Liam vazhdon të ruajë marrëdhënie shumë të mira me ish të dashurën Cheryl dhe të dy kujdesen shumë mirë për djalin e tyre.
