Aktori i njohur i serialit “O sa mirë”, Art Kurti është gjetur i vdekur në Gjakovë
Lajmin për vdekjen e aktorit e ka konfirmuar edhe komandanti i Policisë Rajonale në Gjakovë, Krist Gjokaj.
Gjokaj ka thënë se ende nuk dihet saktë nëse është vrasje apo vetëvrasje. Ai ka shtuar se me rastin është duke u marrë edhe mjekësia ligjore.
“Jemi duke bërë hetimet rreth vdekjes sot rreth orës 08:00 të mëngjesit kemi marrë informatë për një trup të pajetë në fshatin Goden afër kufirit, policia ka shku në vendin e ngjarjes ku ka konstatu vdekjen me anën e ambulancës dyshohet për një mashkull rreth 30 vjeçar për momentin është e paqartë a është vrasje apo vetëvrasje. Trupin e pajetë e ka marrë mjekësia ligjore dhe pas obduksionit do dalin me informata shtesë”, ka thënë Gjokaj.
Reperi Gold Ag përmes rrjeteve sociale, ka shkruar telegram ngushëllimi për vdekjen e aktorit, Art Kurti.
“Allahu të mëshiroftë o vllau jem,qe sa dit më thirre me ardh në Gjakovë e nuk munda me ardhë e tash e pa besushme që do t’vi në varrimin tënd.O Allah falja Xhenetin shokut tem e mëshiroje me mëshirën tënde o më i miri mëshirues”, shkruan Goldi.