Pak javë më parë, pas një përllogaritjeje të vogël, zbuluam se Ermal Fejzullahu është martuar vetëm 20-vjeç. Ashtu siç u habitëm ne edhe babai i tij, Sabri Fejzullahu pati të njëjtin reagim kur Ermali i tregoi për vendimin që tashmë e kishte marrë.
I ftuar në NIN, këngëtari rrëfeu momentin e njohjes me bashkëshorten e tij, Arianës dhe martesën në moshë fare të re.
“Me Arianën jemi njohur në një lokal. Aty e ndoqa, derisa e mora për fare. Jam martuar 20-vjeç. Madje kur i thash babit, më pa i habitur dhe më pyeti nëse jam i sigurtë. I thash që jam 100% dhe aty s’ma prishi, kjo është ëndrra ime tha. Të të shoh ty të martuar.”- tregoi Ermali.
10 vite më vonë, baba i 3 fëmijëve është i bindur kur thotë se edhe po të kthehej pas në kohë do të bënte po të njëjtën gjë.
