Ajo është një prej këngëtareve më të njohura dhe më të pëlqyera në vendin tonë. Marsela Çibukaj, përveç ardhjes në vëmendje të portaleve për karrierën e saj, është përfshirë herë pas here edhe në thashethemet rozë. Mirëpo asnjëherë nuk kishim marrë ndonjë konfirmim nga këngëtarja për faktin e të qenit në një marrëdhënie.
E ftuar në emisionin e ri ‘Talk Talk’ të ‘Revistës Class’, Marsela ka treguar për herë të parë për planet e saj të ardhmshme.
E pyetur cili është personi parë, telefonata e të cilit e lumturon në mëngjes, Marsela u përgjigj:
“Aktualisht, është një person që po më dhuron lumturi, kështu që më pëlqen ta filloj ditën me një ‘mirëmëngjes’ nga ana e tij.”
Këngëtarja nuk preferon të zbulojë më shumë për të, por pranon se edhe profesioni i tij lidhet me artin.
“Jemi gjithmonë në botën e artit , të themi kështu.”
Mirëpo, në fund të intervistës Marsela la të kuptohet se ky vit për të mund të sjellë martesë me djalin misterioz që preferoi të mos e zbulonte.
“Ndoshta mund të jetë viti i fustaneve, fustaneve të bardha. Nëse e them këtu, nuk i dihet, mund të më sjellë fat.”- e mbyll ajo.
Talk Talk – Marsela Çibukaj – Ep 1
Talk Talk – Episodi 1Një rrëfim interesant i këngëtares dhe moderatores Marsela Çibukaj
Gepostet von Alketa Vejsiu am Mittwoch, 11. April 2018
