Prej një jave reperi i njohur Stresi po qëndron në qelitë e paraburgimit, pasi u kap me armë dhe një sasi të konsiderueshme kokaine. Pak më parë, ai tërhoqi vëmendjen e të gjithëve teksa publikoi në profilin e tij në Instagram një foto ku falenderonte të gjithë ndjekësit për klikimet e këngës së re, si dhe lajmëronte se do të shiheshin shumë shpejt.
Pas publikimit të fotos së Stresit, një tjetër foto po bën xhiron e rrjetit. Miku i reperit ka pozuar me Sali Lushajn, babain e Stresit dhe vëmendjen e të gjithëve e ka tërhequr shkrimi në foto, i cili ka zbuluar se pas dy javësh reperi do të lirohet.
“Për dy javë, Stresi i lirë. Faleminderit Zotit që dëgjoi lutjet tona.”- ka shkruar ai në postimin që ka marrë menjëherë komente të shumta nga fansat e Stresit.
