Arbana Osmani ka bërë me dije prej pak javësh se shumë shpejt do të rikthehet në ekranin e ‘Top Channel’ me programin e emocioneve të mëdha, ‘Dua të të bëj të lumtur’. Programi që ka thyer rekordet e shikueshmërisë dhe renditet ndër më të pëlqyerit nga publiku, do të nisë transmetimin nga data 5 janar.
Lajmin e ka bërë të ditur vetë Arbana me anë të një postimi në ‘Instagram’. “Vitin do e nisim bashkë”,-shprehet moderatorja e njohur. Programi që premton emocione, të qeshura, lot dhe gjithçka tjetër, do të transmetohet çdo të shtunë në ekranin e ‘Top Channel’.
