Kohëve të fundit një nismë mjaft interesante e ndërmarrë nga fotografja Anjeza Dyrmishi ka bërë xhiron e rrjetit për faktin se u janë bashkuar shumë personazhe. Klipi i realizuar aq bukur tërhoqi shumë vëmendje nga njerëz të zakonshëm por edhe nga bota e showbiz.
Një prej tyre ka qenë pikërsisht këngëtarja e madhe e skenës sonë Aurela Gaçe. Ajo njihet për natyrën e saj mjaft solidare dhe ktë gjë e ka treguar edhe duke mbështetur nismën në fjalë. Këngëtarja ka rrëfyer eksperiencat dhe frikërat e saj duke theksuar edhe njëherë se askush nuk është perfekt. Mesazhi i saj është i qartë, t’sa duam veten edhe me imperfeksionet tona.
“Edhe pse kam 26 vjet në sy të publikut ka akoma njerëz që më thonë s’je mjaftueshëm rregullo këtë, rregullo atë, s’je e gjatë, rrit parakolpin, je e shëndoshë, je dobësuar, mos qesh shumë, mos fol, etj etj. E imagjinon dot sikur për vetëm 1 moment t’i kisha dëgjuar? Më tha para disa ditësh dikush që më bëri disa matje në trup, perfekt tha kraharori me vithet njësoj. Bëj gjoksin tha se je perfekt. E kupton ça bëhet? Më tha je në rregull e pastaj sugjeroi rritjen e përmasave. Pse i thashë? Mendon se do të kem më shumë fansa po e bëra? Apo mendon se do lërë kokën burri për mua? Ngeli. A e kupton se nga çfarë presioni rrethohen vajzat, gratë? Nga njëra-tjetra një herë presion i rrezikshëm. E për të mos folur edhe për gjininë mashkullore, që kërkon perfeksion, a thua se vetë ka rënë nga qielli”. Ka qenë ky komenti i bërë nga Aurela në rrjetet sociale. Në fund ajo inkurajon vajzat për të mos rënë pre e djemve që i trajtojnë si të pavlera.