Prej disa ditësh në media po raportohet se Mozzik dhe Loredana do sjellin një këngë së bashku dhe jemi të bindur se do jetë hiti i vitit.
Këto zëra i konfirmoi edhe vetë reperja e cila, e pyetur lidhur me bashkëpunimin e përfolur me Mozzik në kanalin e saj në You Tube, u përgjigj:
“Është sekret për momentin, por do e mësoni!”– ka qenë kjo përgjigja e Loredanës.
Pra, ajo la të kuptohet se diçka po sjellin, por nuk zbuloi detaje. Teksa në një koment tjetër shkroi se ka gati një mega hit me një artist mashkull.
Megjithatë, mbrëmjen e sotme ka qenë miku i reperes Abidon ai që i ka hedhur benzinë zjarrit. Ai ka publikuar një story ku shihet coveri i albumit “Medusa”, teksa ka shkruar se kënga vjen shumë shpejt dhe do jetë shumë emocionale.
E me kë tjetër përveçse me Mozzik mund të jetë kjo këngë emocionale?! Nuk ka ende detaje lidhur me projektin e tyre por fansat po presin me padurim.
Kujtojmë se reperja që po korr sukses ndërkombëtar gjithnjë e më të madh po sjell një dokumentar mbi jetën e saj.
Ky dokumentar do jetë jo vetëm mbi karrierën por edhe për jetë personale dhe pritet të publikohet shumë shpejt, ndonëse ende nuk ka një datë publikimi.
A do jetë Mozzik në këtë dokumentar? Shanset janë të mëdha për “PO”, megjithatë na duhet të presim.
