Edhe pse e kanë të ndaluar që të flasin për nominimet, banorët vazhdojnë dhe bisedojnë se kë duhet apo mund të nominojnë.
E teksa ka kaluar thuajse shtatë javë nga nisja e “Big Brother VIP2”, loja po bëhet gjithnjë dhe më e nxehtë. Madje edhe pse ka hyrje të reja, banorët kanë nisur duke bërë llogaritë dhe duke krijuar një ide se kush mund të jetë në finalen e madhe.
Luizi, Kristi dhe Armaldo mbrëmjen e kaluar folën për nominimet në katër spektaklet e ardhshme. Sipas tyre, këtë javë largohet Tea, të martën Dea, pastaj Diola, Nita dhe Valbona.
Në shtëpi thonë ata, mbetet vetëm “bërthama”, që sipas tyre do jenë, Luizi, Olta, Kiara, Armaldo dhe Kristi.
Këtë javë në nominim janë Tea, Dea dhe Olta, ndërsa njëra prej tyre lë shtëpinë të shtunën. Kujtojmë se banorët e tij, Bledi, Tani dhe Keisi kanë imunitet për dy javë.
