Debati mes ish-banorëve të Big Brother VIP Albania, Selin Bollati dhe Rogert, po del jashtë kontrollit dhe këtë herë nuk bëhet më fjalë vetëm për “thumba”, por për gjykatë.
Gjithçka nisi nga një video në klub, ku Rogerti u bë viral me vargjet provokuese “ala-ja Selina, ala-ja Dubai”, që më pas i ktheu edhe në projekt muzikor me Don Phenom.
E ftuar në “Goca dhe Gra”, Selin la të kuptohej se është këshilluar për hapa ligjorë, por zgjodhi një ton më “spiritual” sesa juridik: “Ka një Zot lart që sheh”, u shpreh ajo, duke mos e përjashtuar, por as konfirmuar një padi.
Nga ana tjetër, Rogerti nuk u tërhoq aspak. Në një podcast me Ilnisa Agolli, ai tentoi të “luajë me fjalët”, duke mohuar çdo lidhje direkte me Selinën: “Selin është Selin Bollati, jo Selina… Selina do të thotë ‘dritë’ në arabisht”, deklaroi ai, një justifikim që pakkush e besoi.
Madje, kur u pyet për mundësinë e një përballjeje në gjykatë, ai reagoi me optimizëm: “Paçi fat, shihemi në gjykatë moj motër”, tha me tone sfiduese, duke shtuar me ironi se edhe gjyqtarin “do ta bëjë të kërcejë”.
Tensioni po rritet, deklaratat po ashpërsohen dhe vija mes showbiz-it dhe drejtësisë po bëhet gjithnjë e më e hollë. Tani mbetet për t’u parë: do të kemi një “betejë” në sallën e gjyqit apo gjithçka do mbetet një dramë për publikun?
