Një prind tipik kur je i vogël është ai, që të thotë gjithë kohës: “mos e bëj këtë”, “mos hip aty se do të rrëzohesh” apo “mos e ha këtë se do të dhembë barku”.
Kur fëmijët rriten prindërit ndryshojnë sjellje dhe vendosin të jenë në krahun e mendjehapurve ose të konservatorëve.
Pavarësisht se prindërit e tyre ishin apo jo të famshëm para se të ktheheshin në personazhe publikë, ata kanë pasur gjithnjë vëmendjen tonë për të treguar të fshehtat e fëmijëve të tyre.
Apo thjesht për t’u shprehur nëse janë kundër apo pro veprimeve të fëmijëve të tyre. “Iconstyle.al” kujton deklaratat e prindërve të të famshmëve shqiptarë, të cilët kanë qenë liberalë me fëmijët e tyre dhe kanë mbështetur çdo vendim që ata kanë marrë.
Babai i Françeska Jaçes
Kur vajza e tyre konkurroi në “Big Brother” 2012, prindërit e saj u shprehën se mbështesnin çdo veprim të Françeska Jaçes, ndonëse ajo ishte vetëm 19 vjeçe.
Babai i Françeskës tha në atë kohë se vajza e tij ishte duke luajtur me Ermalin, ndërsa shtoi se për 100 milionë lekë edhe ai do të jepte një puthje. Pas ndarjes nga Ermali, komenti i të atit të saj ishte: “Mirë ia bëri të keqen babi”.
Albërie Hadërgjonaj me të bijën Anxhelina
Këngëtarja e njohur shqiptare ka folur hapur për operacionet plastike që ka kryer në paraqitjen e saj, ndaj nuk është aspak e çuditshme që të mbështesë ndryshimet e së bijës. Pavarësisht se Anxhelina Hadërgjonaj nuk ka pranuar deri më tani se ka kryer ndonjë ndërhyrje në fytyrë apo në trup, nëna e saj Albërie e përkrah vazhdimisht dhe nuk ngurron të postojë fotot e saj super sexy në rrjetet sociale..
Rita Lati me të bijën Roza
Në prill të vitit të kaluar aktorja shqiptare, Rita Lati, pranoi se e kishte shtyrë ajo të bijën që të rriste gjoksin.
“Plasa! Kam një jetë që i them të bëjë gjoksin. Kur vesh një herë fustanet dhe i qëndrojnë rrafsh…apo kur jam në plazh e shoh këtej vajza me gjoks, shoh Rozën më ikën oreksi. Roza, kur do t’i bësh cicat?”, tha aktorja gjatë një interviste për “Thumb”.
Mami i Çiljeta Xhilagës
12 vite më parë kënga “Dridhe” e shndërroi Çiljetën në një fenomen, por vetëm tani nëna e saj Majlinda Xhilaga tregon si e priti. Fillimisht ajo ishte kundër tekstit, por më pas pranoi që e bija të bëhj pjesë e këngës me vargje eksplicite.
“Me Getoarin faktikisht na kanë marrë në telefon dhe ne marrim rrugën për Kosovë dhe shkojmë në studion e Getit edhe dëgjuam këngën: Qyqja Geto i thashë, kemi ardh nga Tirana në Prishtinë për të dëgjuar këto fjalë? Jo i thash, nuk do ta lejoj Çiljetën të këndojë.
Por ai mu kthye: Pse të mos e bëjë? Është diçka e bukur, do bëjë bujë. Më pas vendosëm dhe e bëmë. Pasi doli kënga dhe u këndua tek “Kënga Magjike” e ndaluan dhe thanë se nuk ishte për atë koncert”, tregoi nëna e Çiljetës për emisionin “Jo vetëm modë”.
Ema Andrea me të bijën Sara
Aktorja Ema Andrea ka qenë një mbështetje për të bijën, por ajo i shokoi të gjithë ndjekësit kur në dhjetor bëri komentin e papritur në foton e publikuar në “Instagram”-in e Sarës.
Kjo e fundit postoi një seri pikturash tejet provokuese, në të cilat janë të skicuara momente të ndryshme të akteve seksuale mes dy personave. Ema i komenton së bijës në gjuhën angleze “Proud” (Krenare), të shoqëruar me disa emoji zemrash.
Nëna e Oriola Marashit
Modelja postoi foton seksi gjysëm-topless në shkurt dhe nëna e saj Xhoi Jakaj dha mendimin e saj përmes një komenti. Nga ajo që shkruan mund të themi se është një mbështetje për të bijën: “Kleopatra e viteve moderne”.
Dorina Mema me të bijën
Pavarësisht se vajza e saj është vetëm 16 vjeç, bën një stil jetese si e ëmba, Dorina Mema. Me një veshje ekstravagante, tatuazhe në trup dhe daljet në darkë, mund të jenë të pazakonte për bashkëmoshataret e saj, por jo nëse ke një mami si Dorina.
Burimi: Iconstyle.al
