18-vjeçarja Uindi Haxhia është bërë një prej femrave më të komentuara të showbizit shqiptar. Disa javë më parë ajo lajmëroi të gjithë ndjekësit e saj në Instagram se ishte duke punuar për një projekt të ri, të cilin do ta publikonte shumë shpejt.
Disa minuta më parë Uindi ka shuar kuriozitetin e të gjithëve, teksa ka publikuar në profilin e saj një video ku zbulonte projektin që kishte lajmëruar.
Në fakt, motra e këngëtares Enca tregoi se projekti i saj i ri konsistonte në një video ku tregonte ndërhyrjen e parë estetike në buzë. Uindi ka filmuar të gjithë proçesin e ndërhyrjes dhe këtë ka vendosur ta ndajë publikisht me të gjithë ndjekësit e saj.
Megjithatë, ajo ende nuk e ka publikuar rezultatin përfundimtar të pamjes së saj dhe i ka lënë fansat akoma në pritje.
