Hermes Nikaj është një nga prezantuesit më të njohur e më të komentuar në media e rrjete sociale, sidomos për deklaratat e tij, pamjen e jetën luksoze që bën. Hermes, i njohur si “Zogu i Tiranës” u bë i njohur në Aldo Morning show ku prej disa vitesh na shoqëronte mëngjeseve ndërsa tani e shohim prezantues në emisionin “Dita e re” në Ora News.
Hermes festoi dje ditëlindjen dhe mbushi 25 vjeç. Këtë e ka zbuluar vetë Hermesi i cili ka postuar një foto nga festa e ditëlindjes ku para mban një tortë që mban numrin 25, në një ambient të dekoruar dhe tullumbaca me emrin e tij.
Në një postim tjetër, Hermes ka falenderuar të gjithë për urimet dhe shprehet se ndjehet fantastik këtë ditëlindje.
