Të ndjekësh dietën mesdhetare, sidomos ushqimet që konsumohen në Itali, ul rrezikun e çrregullimit me ereksionin.
“Ushqimi mund të ndikojë pozitivisht ose negativisht në aktivitetin seksual dhe ka prova tashmë se të ndjekësh dietën italiane të mbron nga shqetësimet seksuale”, shpjegon Giorgio Franco, president I Shoqërisë Italiane të Andrologjisë (Sia).
“Seksi I mirë nis nga tavolina. Të dhënat tregojnë se italianët janë një popull që ha mirë, kanë pak raste obeziteti në krahasim me vendet e zhvilluara dhe kjo reflektohet në shëndet. Por, kur flitet për meshkujt, duhet të shpërndahet një kulturë më e madhe andrologjike, në mënyrë që meshkujt të jenë në gjendje që të kujdesen për veten. Kujdesi nis me atë që hamë”, shton Franco.
Ja disa ushqime që parandalojnë problemet e meshkujve në shtrat:
Qepa – Në Egjiptin e Lashtë u jepej skllevërve që punonin në ndërtimin e piramidave për të patur më shumë energji. Përmban shumë oksid natriumi, një përbërës kryesor edhe për pilulat e viagrës.
Hudhra – Është provuar se lufton impotencën. Përveç kësaj ka edhe shumë efekte të tjera pozitive në organizëm.
Speci djegës – Sa më i freskët, aq më i mirë. Nxit dëshirën seksuale falë efektit që ka në përmirësimin e qarkullimit të gjakut.
Ngjala – Peshqit në përgjithësi konsiderohen nxitës të erosit, por ngjala është në krye të listës sa i takon efekteve që jep.
Sallata jeshile – Ka efekte pozitive në rregullimin e qarkullimit të gjakut, e për pasojë edhe në nxitjen seksuale.
