Punët e shtëpisë: meshkujt apo femrat?”, kjo është pyetja e parë që u ngrit ditën e sotme në rubrikën “N’trotuar” në “E Diell”. Të ftuarit ishin të ndarë në dy grupe, ku disa mendonin se duhet t’i bëjnë edhe burrat punët e shtëpisë dhe të tjerë thonin ‘jo’.
Balerini i njohur, Graciano Tagani, tregoi se pasi u lidh me moderatoren e njohur, Argjira Spancën, ka zbuluar pasionin e tij për gatimin.
“Argjira është zonjë shtëpie dhe detajiste. Është një dashuri. Unë mendoj se autoriteti i një mashkulli nuk tregohet se lave enët, e para nis te pastërtia vetjake.
Kur ti ke një dashuri super të madhe, bën disa gjëra për personin që do. Unë zbulova pasionin tim, gatimin. Nisa nga e gatuara e një veze e të tjerat. Që nga ajo ditë kuptova pasionin tim dhe sa herë mërzitem nis e gatuaj”, tha Tagani.
