Veshja e moderatores Albana Osmani, ka ngjallur debate mes moderatorëve të emisionit “Top Show Magazine”, në mbrëmjen përmbyllëse të sezonit. Ishte Alban Dudushi, që komentoi i pari zgjedhjen e moderatores që të kombinojë një palë atlete Balenciaga me fustanin e mbrëmjes.
“Ti në natën finale të emisionit e gjete ta bësh këtë proçkë? Apo erdhe me nxitim?” – e pyet Albani, moderatoren.
E për ta vërtëtuar se ka zgjedhur të jetë sa më komode dhe në modë, Albana ngritet e vrapon rreth skenës.
Ndërsa Ervin Kurti u shpreh se Albana është frymëzuar nga këngëtarja shqiptare Dua Lipa, e cila mban firmën e këtij kombinimi.
“Kur ne i veshnim fustanet me atlete, Dua Lipa po pinte qumësht” –iu përgjigj Albana Osmani komentit të kolegut të saj.
Moderatorja theksoi se ka zgjedhur atletet pasi nesër nis Kampionati Botëror i Futbollit.
