Dita e sotme është mjaft e veçantë për artisten e njohur shqiptare, Fifi, pasi babai i saj feston ditën e tij të lindjes dhe sigurisht që nuk mund të mungonte një urim i ëmbël nga artistja.
Në një video të publikuar mbrëmjen e kaluar, babai i Fifit, Avni Raci, ka qënë i rrethuar nga njerëzit e dashur të tij, ku të gjithë i kanë kënduar këngën e ditëlindjes.
“Urime ditëlindjen babalushi jem”, shkruan bashkangjitur videos këngëtarja.
Ndërsa, ditën e sotme, artistja ka publikuar një tjetër foto në profilin e saj të Instagramit, përmbi të cilit ka shkruar: “Gëzuar ditëlindjen babalushi jem. U gëzofsh gjithë jetën. Të duam shumë”.
Fifi aktualisht po shijon mëmësinë pas ardhjes në jetë të djalit të saj me Adis Patushi, Theo.
