Fituesja e edicionit të tretë të “Ferma VIP”, shkrimtarja Mimoza Ahmeti, ka folur për projektet e saj të reja gjatë një interviste në Vizion Plus.
Ajo u ndal te eksperienca në format dhe mundësitë që i janë hapur pas daljes nga spektakli.
Ahmeti zbuloi se ka marrë disa oferta për bashkëpunime muzikore, mes tyre edhe nga këngëtarja Tayna dhe ish-fermeri Bujaka.
“Jam shumë e lumtur që Tayna ka shprehur dëshirën për të bërë një bashkëpunim muzikor me mua,” tha ajo.
Megjithatë, me humor, ajo sqaroi se projektet do të ndiqnin një rend të caktuar.
“Kur më tha Bujaka, i thashë ‘prit’ se Tayna më ka kërkuar e para,” u shpreh Mimoza Ahmeti.
Deklarata e saj ka tërhequr vëmendje në rrjet, duke u komentuar gjerësisht për mënyrën e drejtpërdrejtë dhe ironike të autores, si dhe për mundësinë e bashkëpunimeve të ardhshme në muzikë.
