Labinot Gashi është bërë baba për herë të parë.
Moderatori i njohur nga Kosova ka dhënë pak minuta më parë lajmin e bukur përmes një fotografie të publikuar në Instagram.
Në shtator të 2017-s Labinot Gashi, i dha fund beqarisë duke u martuar me Qëndresën dhe çifti njoftoi pak muaj më parë se ishte në pritje të fëmijës së parë.
Dhe ja dita kur ata u bënë prindër erdhi dhe Labi duket më i lumtur se kurrë që ka marrë titullin “baba”.
Labi shfaqet duke puthur vajzën e vogël, ndërsa nuk mungojnë edhe fjalët prekëse që Labi ka zgjedhur për të voglën.
“Çfarë emocionesh e gëzime t’papërshkrume kemi sot, Qëndresa dhe unë. Erdhi ajo që na e dha titullin Prindër, nga sot në mesditë.
Takimin e parë e kisha menduar shumë, ama asnjëherë nuk m’shkoj mendja që mund të jetë kaq i fortë e emocional… Për pak kohë të mbajta në krahë dhe morra dashurinë më të madhe të kësaj bote.
Engjull, mirë se erdhe në tokë. Sa me fat jemi që u takuam.
Unë mezi s’po pres me e kalu jetën bashkë. Faleminderit Zot!”, shkruan ai
I urojmë vogëlushes jetë të gjatë e të lumtur!
