Cila është tezja dhe cila mbesa? Rita Ora ka një motër binjake, por në versionin GJYSHE (FOTO) - AlpeGossip
Cila është tezja dhe cila mbesa? Rita Ora ka një motër binjake, por në versionin GJYSHE (FOTO)

Cila është tezja dhe cila mbesa? Rita Ora ka një motër binjake, por në versionin GJYSHE (FOTO)

Vështirë ta besosh që është gjyshe, por Jasmina Tolaj, tezja e Rita Orës, prej dy muajsh gëzon një status të ri. Më pak e njohur për publikun shqiptar dhe më shumë për atë të Kosovës, Jasmina ishte sot e ftuar në “Rudina”, nga ku ndau historinë e familjes së saj, raportin me motrën, nënën e Rita Orës, si dhe dasmën e së bijës, vitin e kaluar në Tiranë.

Jasmina punon si obstetër gjinekologe në spitalin e Prishtinës. Marrëdhënien me Shqipërinë e ka pasur më të largët para se e bija, Amantina, të martohej me një djalë nga Tirana, ndërsa pas martesës së saj, vizitat në Tiranë janë bërë edhe më të shpeshta, aq sa, tani, sa më shumë vjen, aq më shumë i pëlqen ta njohë dhe vizitojë Tiranën. Dhe një arsye e madhe për këtë është edhe Zaku, djali i Amantinës.

Lidhjen me Rita Orën dhe me motrën e saj, Vera, Jasmina e ka shumë të fortë. Siç tregon ajo, dy motrat janë rritur bashkë dhe kanë studiuar bashkë në Rusi. Ndërsa Vera u largua me familjen e saj në Londër, Jasmina u kthye në Prishtinë ku edhe krijoi familjen me Ilirin: “Ne kemi gjithë si familje në Rusi. Me Verën kemi studiuar bashkë, kemi qenë shumë të lidhura, por pastaj ajo u nis për në Londër, ku edhe studioi mjeke psikiatër. Një periudhë u ndamë, ajo atje, unë në Prishtinë, por jemi shumë të lidhura. Edhe me moshë jemi shumë afër, një vit e dy muaj”, – tregon Jasmina për mamin e Rita Orës.

Megjithëse janë larg, motrat dhe mbesat takohen gjithmonë me njëra-tjetrën. Shkojnë në Londër, vijnë në Prishtinë, ose edhe në vende të ndryshme për pushime. Edhe vajzat e motrave kanë një lidhje speciale me njëra-tjetrën. Dasma e Amantinës që u bë në Tiranë vitin e kaluar mblodhi të gjithë familjen e ngushtë, madje edhe Rita Orën, e cila iu gëzua festës si një shqiptare e vërtetë, me muzikë tradicionale, me valle e këngë, napoloni e gjithçka tjetër të traditës.

Jasmina tregon se dasma e së bijës ishte ndër kujtimet më të bukura të familjes. E gjithë ceremonia private u organizua në Tiranë, ku, veç shumë të ftuarve, enkas ishte edhe Rita Ora. Amantina dhe Iliri, bashkëshorti i saj, mblodhën të afërmit dhe miqtë në një festë të vërtetë shqiptare: “Edhe sot e shoh dhe emocionohem shumë…” – tregon Jasmina për dasmën e së bijës.

Amantina, tani e ka bërë edhe gjyshe. Zaku, megjithëse e përshëndet gjyshen virtualisht, nuk është asnjëherë mjaft. Kjo është edhe arsyeja më e madhe pse vizitat në Tiranë janë bërë edhe me të shpeshta: “Është një ndjenjë shumë e mirë që nuk mund ta përshkruash me fjalë pa e provuar”, – thotë ajo për ndjesinë e gjyshes, që nuk ngopet kurrë së shijuari Zakun e vogël…