Ndonëse ka zgjedhur që mos të publikojë shpesh në rrjetet sociale, paraditen e sotme, këngëtari i njohur, Alban Skënderaj e ka nisur me një dedikim për njeriun e tij më të dashur.
“Pa ty asgjë s’do të ishte e mundur. Të dua”, ka shkruar ai krah fotove plot diell së bashku me Miriamin. Kaq ka mjaftuar që ndjekësit ta pëlqejnë këtë postim dhe të lënë një sërë komentesh poshtë tij duke e komplimentuar dyshen.
Miriami dhe Albani janë përkushtuar gjithë këto kohë në rritjen e fëmijëve të tyre dhe këtë e kanë treguar edhe momentet e ndryshme të ëmbla që ata kanë ndarë me Duam dhe Ameli.
Pak ditë më parë Cani zbuloi dhe pamjen e më të voglit të shtëpisë me disa video plot dashuri të krijuara në natyrë.
