Pas katër vitesh gazetaren e emisionit sportiv, Enkeleida Zeko nuk do ta shohim më në ekranet e News24, por në një tjetër televizion. Një tjetër lëvizje e bujshme është edhe largimi i saj drejt OraNews, një televizion rival. Emisioni ‘Fair Play’ nuk do të jepet më në News, por tashmë në OraNews
Këtë largim e ka bërë të ditur vetë Zeko nëpërmjet një postimi në Facebook, duke paralajmëruar se ‘së shpejti Fair Play në OraNews’. Emisioni sportiv në këtë televizion drejtohej nga gazetari Gerti Çarçani. Zeko është një nga të vetmet gazetaret e mirëfillta të sportit në Shqipëri. Fillimisht karriera e saj nisi në Televizionin Shqiptar. Aty drejtoi edhe emisionin sportiv të RTSH (TVSH).
