Ronela Hajati ka bërë një postim në “Instagram” që menjëherë ka rrëmbyer vëmendjen e të gjithë fansave të saj dhe jo vetëm.
Ajo ka postuar një fotografi ku shfaqet me fustanin e nusërisë në ngjyrë të zezë.
Me këtë postim që i habiti të gjithë, Ronela ka lajmëruar ndjekësit e saj për këngën më të re që ajo do sjellë me titull ‘Valle’, dhe pamja e veçantë është pjesë e videoklipit.
Këngëtarja është shprehur se kjo është një nga videoklipet e pakta që bërë aq shumë qejf duke realizuar.
“Valle do ju shoqëroje gjithë vitin dhe është kënga ideale për të dëgjuar kur ktheni gotën e dytë”- u shpreh këngëtarja e dashur për publikun.
Pas pjesëmarrjes në Eurovizion, Ronela pa dyshim ka fituar zemrat e fansave Europianë. Së fundmi ajo ka qenë e ftuar në një festival në Madrid, Spanjë, ku si gjithmonë ka shkëlqyer me përformancën plot energji.
