“Big Brother VIP 1” padyshim që prej fillimit ju ka mbajtur të ‘gozhduar’ para ekranit të televizorit. Debatet, diskutimet, rrëfimet nga jeta personale, takimet emocionuese, dashuritë dhe gjithçka tjetër nuk kanë munguar këtë edicion. Një banore e cila shkaktoi jo pak bujë ishte dhe Sarah Berisha, e cila me lidhjen e saj me PM shkaktoi shumë thashetheme duke u bërë gjithashtu kryefjalë e mediave. Shpesh dyshja ndajnë me ndjekësit e tyre momente mjaft romantike me njëri- tjetrin.
Këtë “Shën Valentin” përveç mesazheve të bukura dhe luleve që Dj Pm i ka dhuruar, Sarah ka marrë edhe mesazhe jo të bukura. Një prej ndjekësve të saj i ka dërguar një mesazh shumë të shëmtuar, ku i ka shkruar se partneri i saj, Dj Pm e tradhton. Këtë Sarah ka dashur ta postoj në Instastory dhe t’i kthej një përgjigje publike ndjekëses.
E di që të tradhton PM?
Sa të mirë i kam disa ndjekës. Ma zbukurojnë ditën.
Së fundmi kudo po qarkullon lajmi se Sarah dhe Pm janë në pritje të një fëmije dhe nuk është hera e parë që është aluduar një gjë e tillë. Ama mesa duket këtë herë Sarah ka vendosur të ndalet pak më gjatë dhe të shkruaj në një postim në Instastory se kjo gjë nuk është e vërtetë dhe se nuk është shtatzanë. Sarah shprehet gjithashtu se nëse diçka e tillë do të ndodhte do të ishte ajo e cila do ta tregonte këtë.
