Kjo histori do t’ju bëjë me siguri ta shihni jetën me një tjetër sy. Sarah Dean dy vite më parë në një qytet të quajtur Pulsbo u përplas nga një makinë që po vinte me shpejtësi drejt saj. Goditja bëri që ajo ta hidhej nga parmaku dhe të përfundonte në lum. Në momentin e parë që hapi sytë ajo e pa veten të mbytur në gjak dhe besoi se nuk do arrinte të mbijetonte.
Shoferi që e aksidentoi u arratis nga vendgjarja dhe ende nuk është identifikuar nga autoritetet. Askush nuk e pa aksidentin dhe ndërkohë që Sara ishte e gjakosur në lum mendoi se përballë saj ishin dy zgjedhje: të priste derisa dikush ta gjente por që do të ishte tepër vonë, ose të luftonte. Kështu Sara vendosi të tentonte njëherë vetë të dilte nga ujërat, e më vonë u ngjit rreth 3 metra në vendin ku ishte rrëzuar e nisi të kërkonte ndihmë nga njerëzit që kaloni në rrugë.
Sarah u zgjua në spital dhe kuptoj se kishte humbur njërën këmbë, deri tek gjuri. Por cila ishte ajo gjë që e mundonte më shumë? Mungesa e njërës këmbë do e pengonte ëndrrën e saj dhe pasionin më të madh, serfin . Me po të njëjtën vendosmëri që nuk e la të vdiste në atë lum, Sarah vendosi që pavarëisht gjendjes së saj dhe trupit të ri, të ndiqte ëndrrat.
“Nuk kisha asnjë zgjedhje. Do të hiqja dorë nga jeta ose do e jetoja ashtu!Gjashtë muaj pas aksidentit Sara filloi të mësonte të ecte me njërën këmbë të gjymtuar e më vonë me një protezë të projektuar vetëm për surfing.
“Herën e parë që tentova të bëja serf pas aksidentit pothuajse rashë pasi duhet të kesh një protezë të posaçme për sërf. E një tjetër për të ecur. Kështu që më duhej të përshtatesha me veshjen e protezave më të shkurtra, kur bëja sërf.”,- është shpehur ajo. Tetë muaj pas operacionit, Sarah shkoi në Kampionatin Botëror në La Jolla të Kalifornisë, dëshironte të fitonte por sërish fati nuk ishte në anën e saj. Sara përsëri nuk u dorëzua. Ajo shpreson se historia e saj do të frymëzojë të tjerët për të kapërcyer çdo sfidë me të cilën ata përballen, për të luftuar për pasionet e tyre dhe për të vazhduar pa marrë parasysh se çfarë jeta u servir. Përsa i përket shoferit që e aksidentoi ajo shprehet se tashmë e ka falur. Ndoshta ka qenë i alkolizuar apo i droguar, e madje dhe vetë ajo nga kjo histori ka hequr dorë tërësisht nga alkooli. Ku i dihet, një njeri i pavetdijshëm mund të lëndojë dikë dhe ajo nuk dëshiron absolutisht që dikujt ti ndodhë e njëjta gjë si asaj.