Në shtator të vitit të kaluar, këngëtarja shumë e dashur për publikun e që na ka përfaqësuar në Eurovision, Rona Nishliu i dha fund beqarisë me një dasmë ku ishin të ftuar familjarët e miqtë e saj të ngushtë.
Ditën e dasmës u publikuan edhe fotot e para të Ronës me partnerin e saj të cilin prej vitesh e kishte mbajtur larg syrit të publikut.
Në një intervistë për “Panorama plus”, së fundmi Rona ka folur për herë të parë për bashkëshortin duke u shprehur se ai e ndihmon shumë në krijimet e saj muzikore.
“Bashkëshorti im është dëgjues aktiv, me një shije tejet të hollë për muzikën dhe opinionet e tij më ndihmojnë shumë në krijimet e mija”, është shprehur Rona.
E pyetur kur do të bëhet nënë, këngëtarja është përgjigjur: “Në një të ardhme të afërt shpresoj që të ketë të reja pozitive, të cilat do t’i ndaj me të gjithë”.
Së fundmi Rona u rikthye në muzikë me projektin e veçantë “Mindil”, ku këngët e rëndësishme të thesarit shqiptar i ka sjellë në stilin jazz eksperimental.