Jonida Shehu ka braktisur ekranin që prej largimit të saj nga televizioni “Top Channel”, mirëpo jo prezantimin. Moderatorja shqiptare ka prezantuar për disa netë me rradhë, eventin e bukurisë “Miss Shqipëria 2018”, ku mbrëmjen e djeshme ishte bukuroshja Alba Bajrami që fitoi kurorën.
Mirëpo mëngjesin e sotëm Jonida ka publikuar në profilin e saj në “Instagram” një foto të shkëputur nga fëmijëria e saj dhe në përshkrimin e fotos na tregon se feston sot ditëlindjen.
“Duke u rritur përditë. Këtu 1 vjeç, sot kanë kaluar 35. Gëzuar ditëlindjen vajzë e vogël,” – shkruan moderatorja në foton e publikuar.
Prej disa ditësh ishte publikuar lajmi se moderatorja në sezonin e ri do të shfaqej në ekranin e televizionit “Klan” për emisionin e ri të paradites që pritet të nisë në shtator, mirëpo sipas “Xing.al” ky emision i është besuar ish-banores së Big Brother Alba Çobaj.
