Puntata e mbrëmjes së kaluar e emisionit “Shiko kush Luan” ju dedikua fëmijëve të prekur nga tërmeti i 26 nëntorit. Një emision ndryshe, plot emocione, por edhe argëtim. Luana siç e kishte paralajmëruar edhe më herët, kjo do të ishte një puntatë speciale, edhe për shkak të protagonistëve të vegjël. Mirëpo, jo vetëm emisioni ishte ndryshe, edhe Luana u shfaq ndryshe nga herët e tjera.
E veshur me një kostum të zi serioz, me flokët e kapura bisht, një detaj që mori vëmendjen menjëherë ishin atletet e zeza të moderatores. Për një puntatë Luana i ka “braktisur” takat, mbase edhe për t’u përshtatur me fëmijët. Gjithsesi, ajo dukej bukur dhe me siguri është ndjerë edhe me rehat.
