Mos u mashtroni nga formulat e tyre.Vitaminat e gomuara nuk janë karamele kështu që nuk duhet ti konsumoni me grushta, paralajmërojnë nutricionistët.
Vitamina si “gomë” janë shpikur që në vitin 1990 me qëllimin për ti bërë të konsumueshme edhe nga fëmijët. Të dhënat tregojnë se industria e vitaminave që merren si suplementë, janë padyshim një ndër bizneset më fitimprurëse. Ato kanë marrë popullaritet me kalimin e kohës, por dyshimi nëse janë 100% të dobishme ka ecur paralelisht me to.
Sot çdo vitaminë vjen në një formë më të shijshme dhe nuk është e befasishme po t’ju themi se këto shtojca përmbajnë sheqer. Kjo është kostoja e shijes së përmirësuar. Marrja e rekomanduar ditore e sheqerit është rreth 25 gram.
Pra, në dy vitamina të buta, ju merrni rreth 12 për qind të konsumit tuaj të përditshëm të sheqerit, plus rreth një për qind të ndarjes tuaj të përditshme të karbohidrateve. Por problemi nuk është tek ngrënia e një apo dy vitaminave. Problemi qendron tek konsumimi i gjithë pakos apo qeses për shkak të shijes së mirë të tyre.
Në të vërtetë kjo mund të jetë e rrezikshme!
Mjekët dhe dietistët rekomandojnë marrjen e përditshme minimale dhe ideale të vitaminave dhe mineraleve të ndryshme. Niveli ideal është i ndryshëm për secilën vitaminë dhe nëse e tejkaloni maksimumin për shumë vitamina mund të keni rreziqe shëndetësore. Helmimi është vetëm njëra prej tyre!
