Edhe pse jo fort e pranishme në ekran, Inis Gjoni vijon të mbetet një prej vajzave më të bukura dhe sharmante të showbiz-it shqiptar.
Ajo nuk ka ndryshuar aspak, nga prezantuesja simpatike që na magjepsi me bukurinë dhe elegancën e saj. Ndonëse vitet ikin, duket se koha nuk kalon për Inisin.
Një ditë më parë, Gjoni ka publikuar një video të 25 viteve më parë teksa prezantonte në Pallatin e Kongreseve “Miss Shqipëria” së bashku me aktorin Kastriot Caushi.
Inisi duket aq e bukur sa u ridashuruam me atë, por jo vetëm. Kjo video na bëri nostalgjikë sidomos kur pamë si dukeshin në ’98-n personazhe si Rajmonda Bulku, Ylli Rakipi, Pavlina Mani, Artan Hoxha. Në moment tjetër emocionues ishte kur kamera fokusoi të ndjerin, Teodor Keko.
