Këtë të premte i ftuar në emisionin “Ftesë në pesë” nga Bieta Sulo ishte biznesmeni i njohur tepelenas, Elton Ilirjani. Sot ishte dita e fundit në Shqipëri pasi ai është nisur për në Shtetet e Bashkuara të Amerikës ku dhe ka ndërtuar jetën.
Eltoni ka folur gjerë e gjatë rreth kauzës së tij “Lëvizja e buzëkuqëve”, duke treguar se përse ka lyer buzët në çdo qytet të Shqipërisë. Ai u shpreh se ndërmjet saj kërkon që t’i bëjë thirrje mentaliteteve “Pranojeni njeriun ndryshe”. Përpos intervistës me fjalë, biznemeni e ka treguar dhe me vepra që e pranon veten ashtu siç është siç duhet të bëjnë të gjithë. Eltoni e ka vulosur intervistën e tij me një të puthur në mes të studios.
Ai ka ftuar në studio një burrë të veshur me një kostum të zi, i cili në fytyrë mbante një maskë për të mbajtur të fshehur identitetin. Sapo ai u fut në studio, biznesmeni tepelenas u ngrit nga karrigia e tij dhe dy djemtë shkëmbyen një të puthur buzë më buzë.
Eltoni u shpreh se burri me maskë ishte thjesht miku i tij dhe e puthura ishte një provokim për t’iu thënë shqiptarëve që të puthësh në buzë një burrë nuk ka asgjë që të të heqë mendjen, nuk ka asgjë për t’u bërë lajm.
