Soni Malajn aktualisht po e shohim në televizion si një nga konkurrentet e “Dancing ëith the Stars”. Prej 4 javësh ajo është ngjitur në skenën e spektaklit të vallëzimit bashkë me partnerin e saj në kërcim Dion për të performuar në disiplina të ndryshme. Soni ka shumë fansa por duket se një nga më të zjarrtët dhe përkrahësi i saj më i madh është partneri i saj, Klevi.
Mbrëmjen e djeshme ai ka qenë në prapaskenë duke përjetuar emocionet bashkë me këngëtaren pas performancës së saj. Isida Mollaymeri, një nga balerinat e programit i ka xhiruar teksa ata ishin duke biseduar në prapaskenë. Me siguri ai i ka dhënë këshilla apo është munduar t’i ulë peshën e emocioneve partneres së tij dhe duke i dhënë si gjithnjë përkrahjen maksimale.
