Edhe pse prej kohësh jeton në Itali, Rike Roçi mundohet të jetë sa më pranë fansave të saj nëpërmjet rrjeteve sociale. Ajo bën shpeshherë ‘Pyetje dhe përgjigje’ në ‘Instagram’, ku shuan kureshtjen e ndjekësve për jetën e saj private. Së fundmi, një prej tyre i ka kërkuar mendim në lidhje me femrën më të bukur shqiptare sipas saj dhe Rikja nuk ka hezituar të tregojë adhurimin e saj për Adelina Ismailin, duke thënë fjalët më të bukura për të. “Adelina ka qenë, është dhe do të jetë femra më e bukur shqiptare. Është e para femër rebele shqiptare, e para që ka thyer tabu, e para femër pa komplekse, e para ‘miss internacional’. S’ka si Adelina”, ka shkruar Rike. Kujtojmë se Rikja është cilësuar shpeshherë si një nga femrat më seksi shqiptare, ndërsa përsa i përket Adelinës, ajo sapo është rikthyer në muzikë me një bashkëpunim që është pritur shumë mirë nga publiku shqiptar.
